معضلة التعليم في مصر
طب إيه الحل؟ .. نقفل المدارس الحكوميّة خالص ونحوّلها لورش ومصانع ونوفّر ميزانيّة هائلة لا تعود بالنفع على أي طرف وتبقى الدروس على النِت أو على سي دي؟ طب ح نعمل الامتحانات فين وازّاي؟ .. ولّا نلغي مجانية التعليم (اللي هوَّ في الحقيقة مش مجاني) ونبيع المدارس العامّة للقطاع الخاص علشان يتولّى هوَّ المسؤولية وتكتفي الوزارة بمراقبة جودة التعليم وامتحان الطلبة في آخر السنة؟ .. ولّا نسيب الوضع على ما هو عليه وربنا يتولّى الجميع بقى؟ .. مطلوب ثورة شاملة في منظومة التعليم في مصر فالمسكّنات لا تجدي بل تزيد الأمر سوءاً .. حد عنده فكرة قابلة للتطبيق تنفع لحل هذه المعضلة؟ .. أنا عن نفسي غلب حماري .. وجاموستي كمان.