بوذا نبي .. عيسى نبي .. وكل من له نبي يصلّي عليه
هيَّ إيه حكاية البوذية مع الناس دي؟:
شيخ الأزهر بيقول أن البوذية دين إنساني وأخلاقي في المقام الأوّل وأن رسالة بوذا هي
دين الرحمة غير المتناهية .. وبعض الدعاة صرّحوا إن بوذا ده أصلاً نبي من أنبياء الله
.. ود. أحمد عكاشة بيؤكّد إن الراهب البوذي اللي واهب حياته لعبادة الله هو مؤمن
سيدخل الجنة .. والممثلة دي موافقة على كلام "الدالاي لاما" القائد الروحي للبوذيين
اللي قال إن العاطفة لا يمكن العيش بدونها ومش مهم الدين وكمان حضرتها بتحب
البوذية .. وده طبعاً غير الريّس اللي دعا المسلمين والمسيحيين أن يتحلّوا
بالشجاعة ويعيدوا صياغة فهمهم للمعتقد الديني للوصول للحقيقة ومعرفة إذا كان صح
ولّا غلط.
إنتم عايزين مننا إيه بالظبط؟ .. مش كفاية إن أعداد الشباب الملحد والغير متديّن والمتشكّك بالدين في ازدياد يوم بعد يوم .. هيَّ ناقصة كمان تروّجوا للبوذيّة .. حرام عليكم .. طلّعتوا بوزيتنا .. قصدي بوزنا.