كعك العيد وحجة الحكومة لرفع الأسعار
طبعاً شراء كعك العيد بكميّات بسيطة وبأسعار
معقولة لا غبار عليه وربنا ما يقطع لنا عادة .. إنما شراء كميّات مهولة وبأسعار
مبالغ فيها لا يتناسب أبداً مع تعاليم ديننا الحنيف الذي ينهى عن التبذير ويشجّعنا
على أن نقتصد في كل شيء.
ما ينفعش أبداً إن المصريين يصرفوا تلاتة مليار جنيه على تمانين ألف طن كعك .. يعني نصيب الفرد حوالي كيلو إلا ربع لوحده .. ده غير إن سعر الكعك العام الماضي (2023) في بعض الأماكن بقى مفتعل للغاية ووصل الكيلو منه إلى 300 جنيهاً كما في تسيباس ولابوار وتوماس وساليه سوكريه ولوكرنفال وماديرا وتورتينا وتوينكي .. ووصل 1200 جنيه في حلواني كوكي مان .. ويا عالم ح يوصل كام السنة دي (2024).
يا ريت نقتصد في الموضوع ده علشان مانديش للحكومة فرصة ترفع الأسعار بحجة إن الناس معاها فلوس وبيشتروا كحك بقد كده وفسيخ بقد كده ولحمة بقد كده .. إلخ .. ما تدوش لأي حد مبرر يقول: "يا باشمهندس طارق .. زوّد الأسعار ما تقلقش".