ف سجن خوف
مسنود علي ضِلّي وباداري ف دَمْعتي
ف الدُنيا ماشي تَملّي تِكسرني
الظروف
ما اعرفش ليه الشمس خاصمِت عَتْمتي
وكأني أعمي ف وِسط ناس قِدْرِت
تشوف
ظلموني ناس فكّرْت ح اكسب وِدّهم
ناس عشّمِتني بأرض مفروشة بحرير
غَمّضْت عيني فَتّحتها على غَدْرهم
دول ناس ما فيش فيهم رَجا ولا أي خير
وانا مطحون ولا حدّش عارف
أنا الغلبان ولا عنديش ضَهْر
عايش بين أهلي لكّني خايف
بانام واصحي حاسِس بالقَهْر
زمان بيفوت ما لهوش عزيز
وناس قِسْيت ما فيش تمييز
بيستقووا على الغلبان
وده اللي يهِد واللي يغيظ
وضاع عمري على أوهام
وباتصبّر بأي كلام
وأسْوَد حاجة ف الأيّام
ف وقت الظلم ما بتمشيش
ليه تملّي فيكوا اطلع مخدوع
ليه ذلّتوني بفقر وجوع
صوت الضمير ما بقاش مسموع
خيط الأمل ف الناس مقطوع
آسف ما فيش عندي اختيارات
وَصَل الجحود لأعلى الدرجات
ظلموني .. مُش مرّة دي مرّات
دايماً ف برد الحُزن بأبات
ليه كل واحد ف الحياة
مُش شايف إن فيه ناس معاه
وعشان ينول اللي ف مُناه
لازم يغرّق ناس معاه
قطر السنين بيفوت بيفوت
وكل شيء بيعيش بيموت
وعشان كده مُش ح اقبل اعيش
ف سجن خوف قُضبانه سكوت
ليه تملّي فيكوا اطلع مخدوع
ليه ذلّتوني بفقر وجوع
صوت الضمير ما بقاش مسموع
خيط الأمل ف الناس مقطوع
آسف ما فيش عندي اختيارات
وَصَل الجحود لأعلى الدرجات
ظلموني .. مُش مرّة دي مرّات
دايماً ف برد الحُزن بأبات