في منتهى النظافة مع إنهم في منتهى الفقر
بيع القصب في شوارع فيتنام: رغم إن حضارتهم عمرها أربع آلاف سنة (وليس سبعة) .. ورغم إنهم فقرا قوي زايّنا (بالرغم من إن ما حدش عايرهم وقال لهم إنهم فقرا قوي .. قوي) بس منظمين ونُضاف قوي .. قوي .. شوف البيّاع بيقشّر العود إزاي بسهولة ومش بيمسك العود المقشّر بإيده (بيمسكه بكيس زي الجونتي) وبيقطّعه بسهولة بقطّاعة ستينلس ستيل نضيفة وبيعبيه من السبت للكيس بدون ما يمسكه .. والغريب إن القشر بيرميه على الأرض فوق قماشة كبيرة علشان لمّا يخلّص يلم القماشة بالقشر ويحطه في منتصف عربيته المتنقلة لغاية ما يتخلص منه في مقلب قمامة عمومي وده باين كمان من نضافة الشوارع .. والأغرب بقى إن ما فيش دبّان بيعف على القصب أو القشر .. عجبت لك يا زمن.