صورة واحد مطرب مهرجانات (1)
الأربعاء:
صحّاني الواد "زَرزور" من عِز
النوم وهو يصرخ:
-
"سيخو" ..
"سباخ" .. إنت يا عم .. إصحى بقى .. يا عم اصحى شوف المصيبة اللي ع
الصبح.
-
يخرب بيت أمّك ..
حصل ايه ياض .. فجعتني .. حَد من اصحابنا اتقبض عليه؟
-
بعد الشر .. تُف من
بُقّك.
-
أومّال فيه إيه
بَس؟!
-
الواد "شطّة الموَحوَح"
عمل فيديو تاني بيشتمك فيه.
-
قال فيه إيه ابن
الوارمة ده؟
-
بيقول إن صوتك
معفِّن ومنظرك زبالة وريحتك نتنة من كُتر شُغلك ف الزرايب .. وم الآخر كده مُطرِب
على ما تُفرج.
-
هوَّ قال كده؟!!
-
وقال كمان إنه ح
يعمل مهرجان جديد يديس فيه على أغنية "ح افشخكوا يا أخصامي" بتاعتك ..
والمهرجان ده اسمه "ولا تقدر عليَّ .. يا واد يا هِتية".
-
ابن الكااااالب ..
ماشي .. أنا ح اورّيه العربجي ده .. هوَّ نسي أصله ابن "فتيحه الكلّاف"
.. ما هو كان شغّال معايا ف زريبة الحاج "الخراوي" اللي ف "كوم
سبلة البُرازيّة" .. أنا كنت بانضّف من تحت البهايم وهوَّ كان بيقرّص الجِلّة
وينشِّفها ويخزِّنها ف الجُرن.
-
يعني انتم الاتنين
جايين من ورا الجاموسة يا اسطى؟!
-
إكتم ياض .. لولاش
عارفك أهبل ومتخلّف كنت قُمت لطّشت لك يا ابن العبيطة.
-
مش قصدي يا اسطى ..
ده انا محسوبك وخدّامك وعايش تحت رجليك .. مش انت بتقول عليَّ فاسوخة الشِلّة
وبتستبارك بيَّ؟
-
طب قوم يا ابن
الهبلة اتصل لي بـ"زيكو".
-
أنهو
"زيكو" فيهم؟ .. "الفِجلاوي" ولّا "العِجلاوي"؟
-
"زيكو
الفِجلاوي" يا تُحفة .. عايزُه يعمل لي مهرجان عشان أديس الواد
"الموَحوَح" ابن الدايخة ده.
-
ما ينفعش يا اسطى.
-
ليه بقى إن شاء
الله؟!!!!
-
أصل "زيكو
الفِجلاوي" هوَّ اللي عمل المهرجان بتاع "شطّة".
-
إبن الخاينة .. هوَّ
باعني وراح له؟!!!!
-
تلاقيه عَربِن معاه
بفَرش "حشيش" .. أصل "الفِجلاوي" ده عبد لكيفه ومزاجه.
-
ماشي ماشي .. أنا ح
اعمل المهرجان بنفسي .. هيَّ كيميا .. ما انا اللي عامل مهرجان "أنا لمرارتكم
فاقع .. يا شويّة جواجع" اللي شتمت فيه الزفت ده اللي اسمه "برقوقة
الاكتع" .. ما ابقاش انا "سيخو سباخ" لو ما علِّمتِش عليه .. هيَّ
الساعة كام ده الوقت؟
-
تيجي لها أربعة ..
أربعة ونُص .. العصر مِدَّن من شويّة.
-
طب سيبني أنام لي
شويّة لغاية المغرِبيّة زي كل يوم .. بَس هات لي الأوّل حبّاية "ترامادول"
أحسن عندي صداع ح يموِّتني .. الظاهر البانجو بتاع امبارح كان كارِف حبّتين ومش
أفغاني أصلي .. إنت استقضيته من مين؟
-
من الحاج "كراك
حشيشة".
-
الله لا يبارك له ..
ما تجيبش منه تاني .. شوف لنا حَد عنده ذِمّة وبيراعي ربنا ف الصنف اللي بيبيعه ..
وما يهمِّش بكام .. ما تستخسرش فيه الفلوس .. لازم نظبط دماغنا عشان نعرف نفِن
ونطلّع أغاني مطرقعة وتريندي.
-
حاضر يا اسطى ..
الواد "شارون عبد السلام" بتاع الأورج قال لي إن فيه تاجر كويّس في
"دار السلام" عنده دولاب عَظَمة مليان أصناف أُستيك أصلي ما يُعلاش عليها
وعُمرها ما كانت مشغولة بأيُّها صنف فِستِك.
-
"شارون"
مدقدق ودماغه عالية وأكيد له نظرة في التاجر ده .. شوفه فين واتعامل معاه.
-
عينيَّ يا سيد
الناس.