أمثال صعيدية عبقرية مهجورة | خلاصة الحكمة والخبرة

نوفمبر 2017 :

 

 

الخبر الأوّل أهديه لمن يدّعي أن اللاعبين تبرعوا بمكافآتهم لصندوق "تحيا مصر" .. الباشوات مش عاجبهم النص مليون جنيه مكافأة اتحاد الكورة (وده غير ملايين الجنيهات بتاعة المكافآت الأخرى من رئيس الجمهورية ووكالة برزنتيشن وباقي الرعاة ورجال الأعمال والمحبّين وانا وانت) .. والخبر بيؤكّد إن اتحاد الكورة ح يضاعف هذه المكافأة لتتناسب مع حجم الإنجاز الذي تحقّق.

أما الخبر الثاني فأهديه لمن يطالب بالعدل الاجتماعي بين شرائح المجتمع المصري .. بصراحة أنا معترض على زيادة دعم سلع بطاقات التموين لهؤلاء المواطنين الحثالة .. عملوا إيه دول علشان يستحقوا الدعم أصلاً؟ .. ولاد الكلب بيكلّفوا الحكومة قد كده من غير ما يوصلوا كاس العالم .. دول حيا الله بيخدموا البلد في مجالات تافهة زي الزراعة والصناعة والتجارة والتعليم والصحة .. حرام ده ولّا حلال؟

بالذمّة ينفع الحكومة تساوي بين المواطنين اللاعبين اللي وصّلونا لكاس العالم بالمواطنين غير اللاعبين اللي بيشربوا من كاس العذاب؟ .. جاتكم القرف مليتوا البلد.