في النفاق سبع فوائد
طالبة في بورسعيد قالت في ندوة عامة إنه لو
ينفع تسجد لحد لسجدت للواء "الغضبان" محافظ بورسعيد فراح مصفق لها أغلب
الموجودين بكل حماس وتشجيع .. وبعد كده احتفل بيها الإعلام وطلعت في برامج كتيرة
لفضائيّات عديدة تؤكّد إنها ح تقول نفس الكلام لو رجع بها الزمن تاني .. قام
المحافظ قابلها في مكتبه وكافئها على نفاقها اللي وصل لحد الشِرك بالله وعدم ندمها
على كده وأمر معاليه بدخولها "مدارس المتفوّقين" (على طريقة "أراك
توزع من مال أمّك" واللي لو فضلنا على كده ح يتغيّر اسمها لـ"مدارس
المنافقين") .. وطبعاً ده تدريس عملي للأجيال الناشئة في فضائل وفوائد
التطبيل ومداهنة الحكّام .. بصراحة قرفان أعلّق ع الفيديو والصورة أكتر من كده ..
حاسس إني ح ارجّع .. أوعععععععععععع.