يا ولاد الحراميّة .. بدون وجه حق .. يعني كل
موظف استولى على 135 جنيه لوحده .. وبدون وجه حق .. يعني حوالي رُبع كيلو لحمة
بحاله .. إيه الافترا ده؟ .. يستاهلوا اللي ح يحصل لهم بقى .. همَّ فاكرين نَفسهم
فين؟ .. دي الحكومة المصرية ما بتسيبش مليم احمر من حق الشعب والتاريخ ياما يشهد
علينا .. حتى اسألوا "عويجة" أفندي.
ألف مبروك رجوع هذه الأموال الطائلة لخزينة الدولة العامرة .. وألف مبروك لأفراد مباحث الأموال (بدايةً من أكبر لوا لحد أصغر أمين شرطة) اللي ح يتصرف لهم مكافآت وعلاوات استثنائية بآلاف الجنيهات اعترافاً بيقظتهم ومجهودهم في حماية أموال الدولة من هذا النهب الشنيع المريع الفظيع .. ولا ننسى ما سيتم صرفه من أموال ومجهود ووقت على هذه القضية الشائكة في أروقة محاكم هيئة قضايا الدولة وساحات الشرطة والسجون .. ويجعله عامر دايماً.