من "اسلمي يا مصر" إلى "ديسباسيتو" وقريباً "الشبشب ضاع"
صلاة النبي أحسن .. تطوير تطوير ما فيش كلام .. الحمد لله عملية تطوير منظومة التعليم بدأت تندّع أهه .. تم التخلّي أخيراً عن الأناشيد الوطنية التربوية والأغاني الفلكلورية المصرية المتخلّفة اللي كانوا بيعلموها لنا زمان .. ما بقاش فيه "اسلمي يا مصر إنني الفِدا" ولا "الله أكبر فوق كيْد المعتدي" ولا "الحلوة دي قامت تعجن م البدرية" ولا "ماما يا حلوة يا أجمل غنوة" .. بقى فيه أغاني مهرجانات وأغاني "ديسباسيتو" و"تلات دقات" وقريباً "ليدي إن ريد" و"جاست وان مور كيس" .. قارن بقى بين ده وبين اللي بيحصل في مستهل كل يوم دراسي في تركيا .. يا دي الجُرسة ام جلاجل .. يا دي الوكسة ام حناجل.