إعلان هام للجهر بالشرك واستغلال الدين ونشر الجهل والشعوذة
بالذمّة ده كلام ؟ .. مين المسؤول عن الإعلان ده (وغيره من الإعلانات التي تشبهه) اللي بيتكرّر في أغلب الفضائيات .. دي دعوة علنيّة صريحة للكفر والشِرك بالله والجهل وإلغاء العقل وتكريس عميق للدجل والشعوذة واستغلال الدين الإسلامي والقرآن أبشع استغلال في مجتمع تنقصه المعرفة والثقافة ويزداد تعلّقاً بالغيبيات المرتبطة بالدين .. ده حتى الراوي في الإعلان بيتلو آية قرآنية مكتوبة على الشاشة وفي خلفيّتها فيديو لواحدة بتظهرعريانة من تحت اللحاف .. للدرجة دي الاستخفاف بالقرآن وبالأخلاق .. هوَّ احنا عايشين في دولة قانون ومؤسّسات ولّا عايشين في بزرميط وكل واحد بيعمل اللي عايزه بدون رقيب أو حسيب .. أنا خايف يعملوا إعلانات عن عصابات وبلطجية وبيوت دعارة وبنوك غسيل أموال وأماكن ترويج المخدرات وأسعارها التنافسية .. المهم يكون الإعلان بيجيب فلوس .. وكله بما يرضي الله.