ح تتعدّل
ولو قدامي ميت حاجز ومليون سور
ح اعدي ولو فيه نار مرمية ف طريقي
ح ادوس وامشي مفيش حاجة ح تمنعني
انا الحلم اللي جوايا ده عمره ما مات
عشان انا عمري ما باسيب نفسي للإحباط
ومتفائل وعندي أمل قوي ف بكره
ومهما حصل باقول عادي وإيه يعني
ح تتعدّل .. مصيرها ف يوم ح تضحك لي
وح تشبّه على شكلي
تقول لي تعالى دورك جا
وزي ما قلت .. صبرت ونُلت
وح استقتل .. وح اتقدّم ومش راجع
وح افضل برضه متواضع
ومهما وصلت ولّا عليت
ومهما بقيت .. ح اعيشها بسيط
أنا حاطط هدف قدّامي صعب يروح
ما بازهقشي وما باملّش وعندي طموح
وطول ما انا راضي كده بنصيبي وبقدري
اقع وارجع اقف تاني .. ما باضعفشي
ما هي الضربة اللي ما تموّتش بتقوّي
ومتأكّد يا دنيا إنك ح تحلوّي
وواثق إني باسعى وربنا معايَّ
عشان كده قلبي مطمّن وما باخافشي
ح تتعدّل .. مصيرها ف يوم ح تضحك لي
وح تشبّه على شكلي
تقول لي تعالى دورك جا
وزي ما قلت .. صبرت ونُلت
وح استقتل .. وح اتقدّم ومش راجع
وح افضل برضه متواضع
ومهما وصلت ولّا عليت
ومهما بقيت .. ح اعيشها بسيط