أمثال صعيدية عبقرية مهجورة | خلاصة الحكمة والخبرة

حتى الطهارة في تركيا شكل تاني

يوم الخميس اللي فات كان عندي حالتين طهارة ليزر لطفلين فوق الـ 8 سنين .. طبعاً دكتور التخدير نيّمهم ببنج كلّي .. والحمد لله كل حالة أخدت حوالي عشر دقايق وخلصت على خير .. المشكلة بقى إن طفل فاق من البنج في هدوء والتاني قعد يصرخ ويعيّط وصوته جاب آخر الشارع وعلى بال ما فاق تماماً كانت دماغي ورمت .. على طول افتكرت الفيديو ده بتاع الدكتور التركي اللي بيطاهر طفل عنده حوالي عشر سنين ببنج موضعي بدون أي ألم بل كمان بمنتهى المتعة علشان بيلعب بلاي ستيشن وبيعدّي وقته بسرعة .. متهيّأ لي الواد ما كانش عايز يروّح .. سبحان الله .. كل حاجة هناك سهلة وحلوة وبسيطة .. ما فيش كلاكيع .. والأغرب إن الناس كلها بتضحك ومبسوطة حتى في المواقف الصعبة اللي كلها قلق .. ما عندهمش الساسبنس والإثارة والأعصاب المحروقة اللي عندنا لدرجة إننا ما بقاش عندنا خُلق ولا طولة بال زي الأوّل وما بقيناش نستحمل بعض خالص .. يا ترى إيه السبب؟ .. اللي يعرف يقول.