أهدي هذا الفيديو إلى أعضاء حزب أعداء النجاح
ولاد الـ.....تييييت اللي بيعايبوا على الريّس علشان سايب البلاوي اللي في البلد
ورايح يركب عجل في شرم الشيخ (وغيرها) وباقول لهم
:
خسئتم .. ثكلتكم أمهاتكم واللي جابت أمهات
أمهاتكم أيضاً .. ها هو "دونالد تاسك" رئيس المجلس الأوروبي بحاله (يعني
مش سخص عويل ولا مؤاخذة) وهو يتجوّل بشوارع "باريس" راكباً السكووتر ..
ح تقولوا عليه أيه ده راخر .. ما تردوا .. ربنا يخرسكم كمان وكمان .. وينصر الريّس
على من يعاديه.
بس انت كمان يا ريّس لازم تلايمها شويّة .. ما هو مش كل ما تحب تأجر عجلة ربع ساعة تعمل لك مؤتمر يتكلّف الشيء الفلاني .. أنا برضه ساعات بيهف عليَّ ركوب العجل زي زمان بس باخد زيرو بالعجلة بتاعة الواد أيمن ابن أحلام كراوية وباراضيه بباكو بسكوت بالعجوة .. انت بس وقت ما تنوي قول لي وما لكش دعوة بحاجة .. أنا متكفّل بأيتها شيء .. بس أبوس صوباع رجلك الصغيّر من تحت كفاية مؤتمرات لحد كده .. ماشي .. حبيبي يا ريّس.