أمثال صعيدية عبقرية مهجورة | خلاصة الحكمة والخبرة

 

رئيس الوزراء الإسرائيلي المحبوب "بنيامين النتن" (قاتل الفلسطينيين) يتجوّل في شوارع نيو يورك ويُلقي التحية على مجموعة من المصريين الوطنيين قائلاً بكل الود: "السلام عليكم" .. فيرد عليه أحدهم قائلاً بكل الحب والفرحة (ما كانش فاضل غير إنه يبوسه من بُقه): "شالوم (سلام) .. إيجيبت إيجيبت (مصر) .. سايناي سايناي (سيناء) .. سادات سادات .. مناحم بيجين".

طبعاً نفس المصري المحب للصهاينة ده لو كان مؤيّد "للسيسي" وشاف حد من  اخواته المصريين الإخوان المسلمين كان زمانه نزل فيه شتيمة وبهدلة واتهمه بالجاسوسيّة وخيانة بلده وحاول يضربه بالقلم .. أمّا لو كان المصري ده من الإخوان المسلمين وشاف حد من اخواته المصريين مؤيدي "السيسي" كان زمانه هاتك يا قلّة أدب وتريقة واتهمه بالعمالة والتطبيل وحاول يستهدف قفاه .. أصل ربنا مسلّطنا على بعض وما بنتشطرش غير على بعض .. على رأي الأمثال:

"زي القرع نمد لبره" ..

"زي الشجرة العوجة بطاطها في غير حوضها" ...

"زي الفرخة البراوية تكاكي عندنا وتبيض عند الجيران" ....

..... إخصصصص .. إخخخخيييييه.