أمثال صعيدية عبقرية مهجورة | خلاصة الحكمة والخبرة

بالذمّة دي تصرّفات دكاترة مع بعض؟ .. وزير الصحة بيرمي أنبوبة حنجرية في وش وكيل وزارته بالبحيرة .. لو عايز تحاسبه حوّله للتحقيق في هدوء واحترام وساعتها إن شا الله تاخد قرار بفصله حتى .. إنما علشان تعمل نفسك وزير دكر وترسم نفسك قدام كاميرات الصحافة والإعلام تهينه بالمنظر ده؟ .. وإزاي وكيل الوزارة سكت له؟ .. ده شغّال في الوزارة مش بيخدم في بيت الوزير وما حدش بيقبض الروح غير ربنا .. كان المفروض يعترض بمنتهى الشدة والأدب على هذا الأسلوب المسيء .. ح يعرف يدير العمل أمام مرؤوسيه بعد كده إزاي بعد ما بقى منظره زبالة كده؟ .. ولعلمكم بقى الوزير بيتنطط على عواجيز الوزارة منزوعي الأنياب والكرامة علشان عارفهم ح يبلعوا الإهانة ويسكتوا لغاية ما يخلّصوا مدة خدمتهم على خير بدل ما يتمرمطوا في آخر أيّامهم .. إنما الوزير ما يقدرش يعمل كده مع دكتور امتياز من الجيل الجديد اللمض اللي مش باقي على حاجة .. ده كان زمان طبيب الامتياز شتم الوزير وحط له الأنبوبة الحنجرية دي في ..... حنجرته.