لماذا يفضّل الشباب العربي الهجرة للخارج؟
ده بطل أفريقيا (في الصورة العليا) والتاني على العالم (رغم إنه 19 سنة بس) .. راخر عايز يطفش .. بصراحة هجرته للخارج أفضل مائة مرّة من بقائه هنا .. أفضل له ولمصر أيضاً .. يعني أنهو أحسن: يهاجر بره ويرفع مستواه ويحصد البطولات العالمية ويبقى اسمه بطل أوروبي من أصول مصرية ويعيش حياة آدمية ويكوّن أسرة مصرية ناجحة في الخارج؟ .. ولّا يفضل هنا ويتم تجاهله فياخد بطولة الجمهورية ولّا حتى يشارك في دورة البحر المتوسط وكلها سنتين ويحصّل أفضل لاعب كرة في العالم للصم والبكم (في الصورة السفلى) ويبيع خضار وفاكهة في الشارع ويتعرّض للإهانة من اللي يسوى واللي ما يسواش؟ .. طبعاً بيّاع الخضار والفاكهة ممكن يكون أشرف وأكرم عند ربنا مني شخصيّاً بس ده إهدار للمواهب وإحباط للشباب اللي بقى متأكّد إنه مهما ح يجتهد ويتعب مسيره يعاني زي غيره .. إلّا لو ربنا كرمه وهج م البلد وبقى زي آلاف المصريين اللي نجحوا بره .. وزي ما بيقولوا: إحنا بنحارب الناجح حتى يفشل أما في الخارج فهم يساندون الفاشل حتى ينجح .. ولِسّه ياما ح نشوف من ده .. وعجبي.