الراقصات يقدن انتفاضة التطوير في مصر
أيوة بقى .. هوّ ده التطوير الحقيقي لمنظومة التعليم في مصر .. تلات رقّاصات من كباريه "ليونيس الهرم" جايين يحيوا حفل تكريم الطلبة المتفوقين بمدرسة "ليسيه الهرم" ...... أيواه أيواه أيواه أيوااااااه ... يبقى انا ... وانت ... والطلبة المتفوّقين ... والناس الحلوة اللي شرّفونا ف حفلة التكريم ... أحلى سلام وتحيّة لابو شيماء الأولى وابو عاطف التاني مكرّر ... إصحي معانا يا منطقة تعليميّة واصحي معانا يا دوْلة ... وصل وصل وصااااااااال ... الراعي الرسمي لحفلة النهار ده ... سلام كبير قوي للوزير ... حاسب يا عااااااام ... أحلى تحيّة للوزير ... اللي مدوّرها بالحب ... بالحب بالحب بالحب بالحب ... يعني وزير التعليم ... واللي هوّ برضه وزير التربية ... سلام مربّع للتربية يا جدعان ... سمّعني أحلى سلام للتربية يا عب سلااااااااااام ... واسترها يا رب معانا ... وعليه العوض فيكي يا أخلااااااااااااااااااق ... ورقّصني يا جدع على واحدة وخمسة من عشرة.