حمدين ومحمدين .. زينة المعارضة الاتنين
الناس اللي بتستغرب من تناقض السيد "حمدين صباحي" مع نفسه : مرة يمدح الرئيس ومرة يذم فيه .. مرة يعدد محاسن مشروع قناة السويس الجديدة ومرة يعدد مساوئها .. مرة يهاجم الإخوان ومرة يدافع عنهم .. مرة يطالب بتسليح الثوّار للتصدي للطغاة ومرة يعارض التسليح لإن التصدي للحاكم لازم يبقى باللحم البشري فقط .. مرة يؤيّد الاتحاد لعدم التشرذم أمام الظالم ومرة يرفض إنه يترشّح مجرد نائب لرئيس الجمهورية .. مرة يبقى عدو لعمرو موسى ومرة يبقى صديقه .. والأمثلة لا تنتهي.
الناس دي مش واخدة بالها إن اسمه "حمدين" (مثنّى حمد) يعني اتنين حمد .. زي محمدين وحسنين كده بالظبط .. ما هو لو كان حمد واحد كان بقى له رأي واحد وموقف واحد بس .. يحمدوا ربنا بقى إن ما لهوش مليون رأي وموقف لو كان اسمه جمع المذكر السالم "حمدون".