في انتظار رد المعلّم "حميدو أبو مناخير" الاسكندراني
طب مش عيب وزير مالية قد الدنيا في أم الدنيا
مسؤول عن تحديد ومتابعة الأسعار وأخبار الأسواق والتجارة الداخلية والخارجية ورسم
السياسات الاقتصادية واتخاذ القرارات المهلبية وفي الآخر يسمع طراطيش كلام من
مراته إن الأسعار ارتفعت؟ .. أومّال فرّاش سكرتير مساعد مدير مكتب سعادتك يعرف إيه
في البلد؟ .. ويا ترى حد قال لمعاليك إن الدولار ارتفع والجنيه انخفض من كام شهر؟
.. ولا سيادتك مستنّي تسمع ده من صاحبك الأنتيخ وانتم سوا في حمّام الساونا بتاع
نادشي المعادشي؟ .. وإذا كنت حضرتك وانت وزير طول بعرض بتعاني من غلاء السلع طب ما
سألتش الحلاق اللي بياخد دقن جنابك وبيعمل لك بعدها فتلة عن أحوال المواطن العادي
ابن التيييت اللي بيقبض مرتب أو معاش خمسميت ستميت جنيه في الشهر؟