آثار التهريب في تهريب الآثار | شيء لزوم الشيء
يا عمرو يا أخي إنت بتيجي في الهايفة وتتصدّر .. إيه يعني لمّا تمثال فرعوني من أيّام حزب الكنبة يطلع من مصر؟ .. لا هي أوّل ولا آخر مرة يا عمّور .. ده سِلْو بلدنا يا حبيبي .. ياما قطع أثرية طلعت وأوض نوم طلعت وتماثيل طلعت ومومياوات طلعت ومسلّات كمان .. ما فيش غير المصريين بس اللي ما بيعرفوش يطلعوا غير من هدومهم فقط .. يا راجل خلّيك إيزي كده ودونت نوك (يعني ما تدقّش) .. ده ربنا ساترها معانا والأهرامات لسّه موجودة .. أقول لك بس إيه ولا أرد عليك بإيه يا شيخ؟ .. الحاجات دي ما ينفعش معاها كلام أبداً .. هوَّ أبو الهول مناخيره وقعت من شويّة.