مش كفاية .. عايزين استقبال يحكي ويتحاكى
العالم عنه: إحنا ننصب شادر الأراجوز والمراجيح ولعبة النشان ونشغّل البيانولّا
والمدفع وسباق السيارات المتصادمة ونقدّم فقرة الساحر العجيب ونجيب مزمار بلدي مع
رقص الخيول ونعمل زفة اسكندراني ودمياطي مع بعض قدام البيت الأبيض علشان نكيد
العوازل ونشرّف رئيسنا والأمريكان يعرفوا إننا بنموت فيه وبنؤيّده من هنا للصبح
رغم أنف الحاقدين .. مش كفاية إن "العالم" بتاعنا لوحده يتعلّم مننا ..
أبداً .. أبسوليوتلي .. لازم ندي أعظم الدروس لكل "العوالم".
يا جدعان هوَّ احنا أي مناسبة لازم نحوّلها لفرح شعبي لوكال رخيص وهاتك يا رقص وغُنا وزغاريد وحنجلة وشُغل حلمبوحة على إيقاع الطبلة والدفوف؟ .. بالذمّة لمّا رؤساء إيطاليا أو المكسيك أو حتى بوركينافاسّو بيزوروا أمريكا أو أي بلد بيعملوا زينا كده .. ليه الفضايح والجُرس دي بس .. إلهي يعرّكوا أكتر ما انتم عرّة.