رأيهم في الطعام المصري
فيديو لطيف جداً .. بس اللي عجبني أكتر قوة شخصية هؤلاء الأطفال وحسن تعبيرهم بحرية وطلاقة عمّا يشعرون به .. ما تلاقيش حد منهم خايف أو بيتكلّم ببطء أو بصوت واطي أو بيتلجلج في كلامه أو وشه باصص لتحت أو بيتلفّت حواليه بحثاً عن مساعدة الأهل أو بيجامل علشان ما يزعلش حد منه (زي ما بنشوف في برامج الأطفال بتاعة ماما سامية مثلاً أو ماما نجوى أو حتى ماما لواحظ) .. أظن ده الفرق بين التربية العربية المحاطة بكل أشكال المحظورات والممنوعات تحت ظلال الخوف والقيود من الوالدين والمجتمع بسبب العنف وإعلاء مبدأ العقاب الجسدي فوق الثواب المعنوي وبين التربية الغربية القائمة على الحرية والإبداع والتشجيع والبعد عن الإهانة للحفاظ على كرامة الطفل وتهميش العقاب الجسدي (يعني ما فيش ضرب بالاقلام ع الوش أو ضرب بتوكة الحزام أو الخرطوم أو العصاية أو الحرق بمعلقة سخنة أو اللسع بالشمعة أو حتى السب والإهانة لكسر الشخصية والتعوّد على تلقي الإيذاء والتنازل عن الكرامة واحتقار الذات) .. رفقاً بفلذات أكبادنا.