سلّم لي ع القرد
سؤال (جواه أسئلة كتيرة) نِفسي حد يجاوبني
عليه وما اعرفش إجابته واللهِ .. هوَّ احنا بنصدّر الغاز الطبيعي لإسرائيل؟ ..
ولّا بنستورده؟ .. ولّا احنا بنصدره لهم الأول وبعدين بنرجع نستورده؟ .. ولّا احنا
بنستورده الأول وبعدين بنرجع نصدره؟ .. ولّا احنا لا بنصدره ولا بنستورده بس بنستعبط؟
.. وإذا كنا بنستورده طب بنصدره ليه ما دمنا محتاجينه وما عندناش منه؟ .. وإذا كنا
بنصدره طب بنستورده ليه ما دمنا مش عايزينه وعندنا منه كتير؟ .. حد فاهم
حاجة؟ .. آه يا حوستي السودا يا انا يا امه .. آه يا حوستي السودا يا انا يا امه
.. بالمناسبة : هوَّ القرد لسه بيتنطط ولّا بطّل تنطيط؟
