شِد الحزام (الشيّالين)
شِد الحزام على وِسطك غيرُه ما يفيدَك
لابد عن يوم بَرضُه ويعدّلها سيدَك
إن كان شيل الحمول عَلى ضَهرك بيكيدَك (يتعبك)
أهون عليك يا حُر من مَدِّة إيدَك
ما تيلّا بينا (هَيّا بنا) إنتَ ويّاه
ونستعان ع الشَقى بالله
واهو اللي فيه القِسْمة طُلناه (وصلنا إليه)
واللي ما فيهش (ليس فيه قِسمة) إن شا الله ما
جاه
ما دام بتلقى عيش وغموس
يهِمَّك إيه تِفْضَل مَوْحوس (محتاس)
ما تحُط (لا تُخفِض) راسَك بين الروس
(الرؤوس)
لا تقول لي ده خيار ولا فَقّوس (نوع من أنواع
البطيخ)
نهايتُه (قُصر الكلام) يللا بنا واهو الاكسبريس (القطار السريع) بقى ع الرَصيف
وادي احنا كام يوم ما عَمَلناشي بحَقْ رغيف
كُلِّ المحطَّات قِبْلي وبحْري بَقت لام اليف
(أصبحت طويلة ومتقاطعة مثل طول وتقاطع حرف اللام مع حرف الألف)
والسِّكَة انقطَعِتْ من الهيصَة يا لطيف يا لطيف
ما كربسوا لنا التليفونات (جعلوا أسلاكها مكوّمة فوق بعض دون تنظيم)
وقَطَّعوا التيلّيغرافات (أسلاك التِلِغراف وهو جهاز اتصالات لإرسال البرقيات)
عُمْرَكش سمِعْت "الدِلِنجات" (مركز ريفي بمحافظة "البحيرة")
يسافروا فيها ببزابورطات (باسبورتات أي جوازات سفر)
غُلُب حُمَار اللي لُه حمار
يحمِّلوه لَك سِت انفار
واهو السفر ف الأيّام دي
صار ع البهايم ليل ونهار
ح اقول لَك إيه واعيد لَك إيه .. كُلّه لُه آخِر
دي خَبْطة جامدة وجات على عينك يا تاجِر
يا وَحستك (يا ورطتك) ده الوَقتي لا وارِد
ولا صادِر
يحلّها ألفين حلّال .. رّبَّك قادِر
قول لي ف عَرْض النبي يا "حسين"
رايحين نلاقيها منين ومنين؟
واللاش (كلمة عاميّة قديمة بمعنى "اللا شيء"
أي الرجل الذي لا يساوي شيْئاً أي الفقير) متجَوِّز اتنين
يا دُنيا غوري (إمشي أو ابتعدي) جاتِك البين
(كلمة "البين" تعني الفُرْقة ويقصد روحي في داهية)
شوفوا البَخيل يفضَل مَنحوس
لَوْ علّقوا على عقله فانوس
فلوس دي ايه .. سيكتِر (siktir باللغة التركيّة تعني "اللعنة عليك") يا
جاموس
دي السَعادة في غِنى النُفوس
قَرَّب شَيّلني شَيّل .. عُمْر الشِدَّة ما
تطوِّل
قَرَّب شَيّلني شَيّل .. بُكْرَة نهيص زَيْ
الأوِّل
لا تقول لي كتير وقلَيّل .. بُكْرَة نهيص زَيْ
الأوِّل
لا تقول لي كتير وقلَيّل .. عُمْر الشِدَّة
ما تطوِّل
هيلا هيلا هيلا هيلا
هيلا هيلا هيلا ليصة