رغم مشاركتهم لنا في نفس الموْطن إلا أن هناك تفرقة عنصريّة واضحة بيننا نحن المواطنون المصريون وإخوتنا في الوطن من الحيوانات الضالة .. حيث استطاع الأخيرون الحصول على التأشيرة زي الحلاوة من غير شهادة رصيد في البنك ولا موافقة من جهة العمل ولا خطاب الـ HR .. ولاد المحظوظة ح يروحوا هناك يهيصوا في العضم والدراي فوود وسط الكلاب الشقرا والقطط المزز الأمريكاني .. بدل ما همَّ ياعيني في مصر كانوا متلطمين (مع بعض البني آدمين الفقراء) في أكوام الزبالة اللي ما فيهاش حاجة تتاكل أصلاً وبياخدوا بالشلاليت والطوب وآخرتهم يتفرموا مع لحم الحمير ويتعملوا حواوشي أو كفتة أو هوت دوج .. ربنا رحمهم .. وعقبال ما يرحمنا احنا كمان .. هاو هاو هاو .. نياو نياو نياو.