أمثال صعيدية عبقرية مهجورة | خلاصة الحكمة والخبرة

 

المهرجان الرومانسي "إمشى يا رخيصة حلّينى"

 

 

صدر أخيراً - بعد طول الانتظار وفرهدة الاشتياق وفرتكة اللهفة وتمزيع الحنين - المهرجان الرومانسي الحالم "إمشي يا رخيصة حلّيني" والذي شارك في صناعته وإطلاقه وتغليفه وتشميعه وتشطيبه الاسطوات الفنّانون الشاعريّون ملوك الإحساس والإبداع:  

زياد أزعرينا – عمرو الفيلو – أحمد روميو – محمد غباشي – كيمو الديب – إيهاب الجوكر – بودّا محمد – زعبلاوي .. وآخرون.

ويقول الشاعر المُلهَم "محمد غباشي" في كلمات هذا المهرجان البديع:

صاحبى مش صاحبى مش منى

غاوى على غش يعاملنى

لو داق الحال يكلمنى

غير كدا ابدآ مابشوفهوش ..

كنت انا اخ ل زميلى

عمرى ما عاملتو يوم ميرى

مهما بتعب ما بيجيلى

مع انى مجدع ما نسيتهوش ..

.................

بح م الليله دى دوست قلبى

يلا برا مش عايزكو جمبى

انتو مش زمايلى مش حبايبى

ملعون ابو اللى يقدركو ..

رايحه جايه دنيا مرجحتنى

وسط خلق غدارين رميتنى

كل ذنبى طيبتى دمرتنى

كسرتو قلبى وهكسركو ..

..................

خصمى مش حمل اجرامى

اسمى يرعب فى اخصامى

اوعا تتحط قدامى

سلاحى متعمر طلقات ..

تحت بيتكم هتتعور

واحده بالفون هتتصور

اوعا يازميلى تتهور

بلاش تجيلى انا فى حوارات ..

....................

جرارت مطاوى ع اللى يكرف

لو مع التخين بطولى هصرف

وسط منبع الحيتان بقدف

انا مبخفش ياصاحبى الموت ..

هتعادينى هتلاقيني جاحد

مش هشوف بعينى اى واحد

استخبا هبا منى راحت

احذر متاخدنيش بالصوت ..

...................

چوب مع كاس مودينى

احلى كباس بيعمينى

كوكب الناس بيأذينى

ماشفتش الا جراح والام ..

عينى م الشرب مقفوله

مخى مش رابطو بصاموله

سكه قدامى مجهوله

انا بتلخبط فى الايام ..

....................

فى التابوت نصبت ليك سريرك

يلا خد فطيرك ادى غيرك

نفسى اشوف ياهلس هات كبيرك

ياض الكلام هنا على خراطيش ..

هات كتيبه هاتلى ناس عتاوله

اى حمله دايسو اخرو جوله

سهله اصاحبى لو على المزاولة

انا بتعامل مبجليش ..

.......................

امشى يارخيصه حلينى

زى مانسيتك انسينى

خاينه ونزلتى من عينى

متعمليش فيها حبانى ..

انتى مش واحده مظبوطه

عايزه ع الدوغرى مقروطه

سمعتك طين ومشقوطه

لا يمكن ارجعلك تانى ..

.....................

الحريم قصادى واخده عالى

اى بت شقط مش فى بالى

عمرى يوم ما اسيب امو عيالى

انا عندى اسيا دى بالدنيا ..

بنتى بنت ابوها عندى غاليه

ليها فى القلوب غلاوه عاليه

مش شاغلنى جمبى نور عنيا

مقدرش اسيبها انا يوم ثانيه ..

......................

بكره هتلفو وتجونى

بس هقفل فى تليفونى

انتو بكيتو فى عيونى

وضاع معاكم وقت كتير ..

انسو من تانى اعاملكو

مش هقدركو ولا اجيلكو

عشت طول عمرى شايلكو

ماشفت يوم ابدا تقدير ..

......................

صوحبه نص كوم حيرونا

زادو فى الجروح وعذبونا

كانو يحتاجونا بيلاقونا

ولما نحتاجهم خلعون ..

وقت ضيقه فكو منا قلبو

راحو من ورانا فينا حاربو

قلبى طيبتو هى كل ذنبو

حالف لا ادوسكو ورب الكون ..

......................

( المسا بودا )

بودا ع الساحه فنان

ايهاب ابو اسيا فاهمان

غباشى كلماتو ادمان

كيمو الديب شبح التوزيع ..

زعبلاوى دا المسيطر

شد قدامو ياض بلاستر

اللى يعادينا يتكسر

احنا اللى يتحدانا يضيع ..

.....................

ملحوظتان: 

- الأولى: الكلمات السابقة مكتوبة كما جاءت في صفحة المهرجان بالـ"يوتيوب" (إتنيّلْت واتهبّبْت واتزفّت عَمَلْت لها كوبي وبيست) دون أي تغيير أو إصلاح أو تنقيح .. ربنا يسامحني بقى.

- الثانية: نظراً لحذف هذه الأغنية من اليوتيوب بعد فترة من كتابة هذا المنشور فقد استبدلتها بأغنية "الرخيصة كلبة الجنيه" (أو مهرجان هلا والله الحائز حتى الآن على أكثر من 85 مليون مشاهدة) والتي شارك فيها مجموعة من الاسطوات الذين لا يتخيّرون عن مجمموعة الاسطوات السابق ذكرهم أعلاه (حمو بيكا - فيلو - أبو ليلة - زيزو المايسترو - إسلام كابونجا - شريف غزالة - عبد الله باندا - سامو الإرهابي .. وغيرهم) والتي لا يختلف شكلها ومضمونها كثيراً عن الموجة السائدة الآن بأغانينا.