عاش الملك .. عاش الرئيس
عاش الملك .. عاش الرئيس
عاش اللى قاعد ع الرصيف
اهتِف لهم قول زيهم
صقّف عشان تاخد رغيف
*****
ارفع إيديك !
غمّض عينيك !
واشرب ف صحة الشريف
شيخ القبط .. صح و غلط
والدقن تسقط ف الخريف
*****
ساعة الادان .. سِد الوِدان !
وادِى ضهرك للحنيف !
عاش الملك .. مات الملك
خلّيك مع الكرسى حليف
حر اتهزم .. حق اتهدم
عايزك تملّى تكون أليف
*****
واهتِف لهم .. قول زيهم
صقف عشان تاخد رغيف
عاش الملك .. عاش الرئيس
عاش اللى قاعد ع الرصيف