بعيداً عن جو الاستظراف وقلّة الأدب بتاعة
الناس اللي مش متربيّة اللي بتقول إن الأوروبيين والأفارقة جايين "مصر"
علشان يتدفنوا مش يتعالجوا .. والناس اللي مش محترمة اللي بتقول إن أهل المرضى
الأجانب دول باعتينهم "مصر" علشان يدوقوا الإهمال في مستشفياتها
وبالتالي يورثوهم بدري بدري .. والناس اللي مش مؤدّبة اللي بتسأل ليه رئيس وزراء
"مصر" سافر يتعالج في أوروبا ما دام مستشفياتنا هنا قشطة كده؟ .. والناس
اللي مش مصدّقة كلام وزير "الصحة" اللي أصدرت صوت غريب من مناخيرها
أعقبته بالعبارة الشهيرة: يا خي "صِـحّـة".
بعيداً عن كل دول فقد أكّد لي صديقي الموظف الكبير في وزارة الصحة أن هذا التصريح الوزاري صادق تماماً بدليل وصول فوجين من المرضى التعبانين جداً اللي ح يوصلوا "مصر" علشان "يرتاحوا" أوائل الشهر القادم: مرضى الفوج الأول من "بوركينا" فاسّوا .. ومرضى الفوج التاني من "ألمانيا" و"بريطانيا" لسّه ما فاسّوش!!!!